Aragonès augura nel Senáu que'l referéndum sedrá "inevitable" como lo sedrá l'amnistía

El referéndum d'Aragonès centra'l debate de l'amnistía nel Senáu

El presidente de la Generalitat, Pere Aragonès, dio por fechu nel Senáu que la llei d’amnistía sedrá "inevitable" como lo sedrá’l referéndum d’independencia y el modelu de financiación "singular" que propunxo bien llueu. "Enantes o dempués sedrá aceptáu (el referéndum)", solliñó.

Una alvertencia que fizo al tomar la palabra énte la Comisión Xeneral de les Comunidaes Autónomes de la Cámara Alta, onde se debate un informe del PP sobre l’impactu autonómicu de la llei d’amnistía, en tramitación parllamentaria.

A diferencia de la vez anterior, el mes d’ochobre pasáu, na que foi al Senáu pa defender la llei d’amnistía, el presidente catalán nun salió corriendo dempués de la so intervención (alegó tener una xunta en Barcelona con un comisariu européu) y esperó a sentir al restu de presidentes autonómicos que fueron a la comisión, toos del PP (faltaron los d’Andalucía, Cantabria, Galicia, Baleares y La Rioja).